XX. mendeko Euskararen Corpus estatistikoa

Testuingurua

Prehistoria hurbilari buruzko azterketa da.

Entzia-Urbasako prehistoria garaiko giza taldeak aurkeztu J. M. Barandiaran Fundazioak.

Jose Miguel de Barandiaran Fundazioak Entzia Urbasako prehistoria garaiko giza taldeak obra aurkeztu du.

Lan honek prehistoria hurbileko bizileku eta bizimoduei buruz azterketa kulturala eskaintzen digu (neolitikotik antzinatearen amaiera arteraino).

Ikerketa honetan Entzia eta Urbasako Goi Lautadetako Okupazioa iraunkortzat hartu da.

Liburuak dionez, gizonak Goi Lautadetara jo du bertako baliabide naturalez hornitzearren: Suharriaren lanketa (prehistorian, ehize eta etxe tresnak egiteko) eta basoaren hustiaketa, ehizea eta artzantza.

Prehistoria garaiko okupazioguneak, ur tokiak, egungo artzain sarobeak eta mendilerroan sartzeko nahiz ibiltzeko bide tradizionalak oso multzo adierazkorretan elkartuta agertzen zaizkigu.

Entzia-Urbasako prehistoria garaiko giza taldeak obrak arkeologia saileko 1982/1983ko Jose Miguel Barandiaran ikerketa bekaren dirulaguntza jaso du.

Ignacio Barandiaran eta Jose Ignacio Vegas-en zuzendaritzapean, honako hauek parte hartu dute: aztarnategi eta bildumei buruzko monografikoak eskaini dituzten Maria Amor Begiristain, Ana Cava, Jose Antonio Saenz de Buruaga eta Juan Jose Vivanco arkeologoak; Francisco Alberto eta Jesus Alonso lur eta geologia espezialistak; Juan Antonio Medinabeitia eta Emilio Redondo toponimista eta prospekziogileak eta Jose Maria Satrustegi etnologoa.

Araba eta Nafarroa artean dagoen mendilerro-goi lautada ikertzeko Jose Ignacio Vegasek eta Ignacio Barandiaranek zuzendutako bi taldeen ahaleginak batu nahi izan ditu Jose Miguel de Barandiaran ikerketa beka honek.